I kommunane Austevoll, Bømlo, Fitjar, Kvinnherad, Stord, Sveio og Tysnes er det tvungen kommunal renovasjonsordning. Det tyder at alle innbyggjarar i kommunen må vera med i ordninga. Hytteeigarar må vera med i hytterenovasjonsordninga. Renovasjonstilbodet til hyttefolk består i hyttekonteinarar, miljøsentralar og returpunkt for glas- og metallemballasje. Det er kun dei som betalar hytterenovasjonsabonnement som har lov til å bruka hyttekonteinarane.
Hyttekonteinarane
Hyttekonteinarane er plasserte på sentrale stader kringom i kommunane. Målsetjinga til SIM er at alle hyttebrukarar skal ha ein konteinar tilgjengeleg på sin veg til/frå hytta. Ved nokre returpunkt er det etablert høve for sortering av glas- og metallemballasje. Og ved nokre få er det tilbod om utvida sortering. Det vil etterkvart bli høve til meir utsortering for SIM sine hytteabonnentar, eksakt korleis ordninga blir er det enno ikkje teke stilling til.
Miljøsentralar og returpunkt
Avfall som ein ikkje får plass til i hyttekonteinarane, eller som ein ikkje har lov til å kasta der, kan leverast på ein av SIM sine miljøsentralar. Flasker, glas og metallemballasje som det har vore mat eller drikke i, kan leverast til eitt av returpunkta for glas- og metallemballasje.
Utvida hyttetilbod
Dei som ynskjer eigen dunk ved hytta, kan bestilla det hos SIM (dunk med grønt lok). Denne må setjast fram til vegen på same tid og stad som fastbuande set ut restavfallsdunken. Tømmedagane framgår av SIM sin tømmekalender. Hyttebrukarar kan òg få dunkar til å sortera i, slik fastbuande har, men må då betala gebyr som for heilårsbustad.
Utleigehytter
Utleigehytter vert rekna som heilårshus, og må ha abonnement tilsvarande hus.