Kva må eg gjere no? | Dunkane dine | Spørsmål og svar
I løpet av februar 2026 startar me opp med merking av dunkane dine. Dette vil skje anten heime hos deg, eller når dei er sett ut på tømmedag. Årsaka er at me frå 2027 innføre eit nytt system for rest- og bioavfallet. Systemet vil medføre at dunkane dine vert vegt og registrert.
Vekt berre til informasjon
Sjølv om me skal vege dunken din så skal me ikkje ta betaling etter vekt. Veginga er datagrunnlag og informasjon for SIM. Du som abonnent skal betale for kvar gong du set ut restavfallsdunken. Dette vil medføre meir rettferdig betaling ut frå kva du kastar, betre sortering, mindre restavfall, altså at kvar abonnent betalar meir rettferdig for eige avfall. Det ser me frå erfaringar frå liknande selskap som har gjort det same.
Kva må du gjere no?
I fyrste omgang er viktig for deg at SIM har rett informasjon om kva dunk som høyrer til kva abonnement.
Me ber deg difor om:
- Logg inn på Mitt SIM via sim.as/mitt-sim
- Sjekk at dunknummeret som står på abonnementet ditt stemmer med dunknummeret på dunkane dine
- Dersom dunknummeret ikkje stemmer, sjekk om du har bytt dunk med naboen. Dersom du ikkje finn rett dunk/dunken din, meld frå til SIM
- Dersom du ikkje finn dunknummeret, eller at det er uleseleg på dunken, vil SIM merke dunken med rett dunknummer
- Dersom du er ein del av eit borettslag eller eit sameige så er det leiaren i borettslaget som må sjekke dunkane på Mitt SIM.
Dunkane dine
- Dunkane dine blir merkte med chip og adresse
- Feil nummer kan føre til feil rekning
- Du kan få avvik som ikkje er ditt
- Du får ikkje nye dunkar – du skal ha dei same dunkane i det nye systemet
- Det er viktig at dunknummeret stemmer med abonnementet ditt (sjå topploket etter nummer)
Spørsmål og svar
Kva er nytt?
- SIM startar i 2027 med å registrere og vege restavfalls- og biodunkane dine. Det er difor viktig at du har rett nummer på dunken din.
Sjå over for informasjon om korleis du sjekkar dette, og/eller logg deg på Mitt SIM via sim.as/mitt-sim - Du betalar i større grad for restavfallet du faktisk kastar
- Færre tømmingar av restavfallet = lågare kostnad
- God sortering blir «premiert»
- Restavfall blir dyrare å handtere
- Fakturering etter den nye ordninga startar i 2028
Kvifor informerer de om dette allereie no?
- Årsaka til at me allereie no informerer deg som abonnent er at me vil starte merking av dunken din allereie frå februar i år, slik at me vert ferdige til oppstarten i 2027.
- Meir detaljert informasjon om ordninga kjem når det nærmar seg.
Kven skal merke dunkane?
- Det vil vera folk tilsett i selskapet som tømmer dunkane i SIM (NordRen) som vil gjennomføre merkinga. Dei vil vera kledde i SIM – klede.
Kva skal eg som abonnent gjere?
- I denne fasen er det viktigaste du som abonnent kan gjere er å logge deg inn på MittSIM (lenke/kode) og sjekke at dunknummeret som er knytt til ditt abonnement, stemmer med det som står på dunkane dine.
Skal de ta betalt etter vekt?
- Nei, dunkane vert vegde, men det er til intern statistikk og informasjon
Korleis spare pengar?
- Sorter matavfall, plast, papir, glas og metall rett
- Har du lite restavfall, kan du stå over ei tømming
- Står du over, betaler du ikkje for den tømminga
- Grove eller gjentekne feil → raud lapp, dunken blir ikkje tømt
- Overfylt dunk eller misbruk av ordninga kan gi avvik
Kvifor innfører SIM dette?
- Avdi plukkanalysar viser at restavfalls- og biodunken inneheld mykje feilsortering
- For å nå nasjonale og internasjonale krav om meir materialgjenvinning
- For å redusere mengda restavfall
- Ordninga er allereie brukt av andre renovasjonsselskap, med gode resultat
Kan ein fortsatt dele dunk?
- Ja, det kan ein
Er dette vanleg i Noreg?
– Fleire renovasjonsselskap har innført liknande ordningar med ønska resultat. Blant anna Øyvar, BIR og Karmøy kommune.
Kven har bestemt dette?
– Eigarkommunane i SIM.
Må eg gjere noko no?
– Logge deg inn på MittSIM og sjekke at dunknummera dine stemmer.
De seier dette er meir «rettferdig». Kva meiner de med det?
– Det som er rettferdig med den nye ordninga samanlikna med dagens ordning er at du i større grad betalar for mengda restavfall du har. I dag kan du regulere dette med størrelse på dunken, med den nye ordninga kan du i tillegg påverke kva du skal betale, ved å setje ut restavfallsdunken sjeldnare.
Betyr dette at eg skal betale etter vekt?
– Nei. Du betalar per tømming av restavfallsdunken blir tømd.
Blir dette dyrare?
– Det kjem an på kor ofte du set ut restavfallsdunken. Dei som sorterer godt kan få lågare kostnad.
Overvakar de avfallet mitt?
– Systemet registrerer berre tømming av restavfallsdunken og vekt, I tillegg registrerer me avvik.
Kva skjer om dunknummeret er feil?
– Ta kontakt med SIM, så hjelper me deg.
Når startar betalinga?
– Prøve perioden startar i 2027. Fakturering startar i 2028.
Kva betyr “betal berre for det du kastar”?
– Det betyr at for restavfallsdunken skal du betale per tømming, i staden for fast dunkgebyr uansett om du set fram dunken eller ikkje.
Kva vil det koste?
– Detaljane rundt gebyret er ikkje klare enno, og dei vert vedtatt av kommunane før oppstart.
Blir renovasjonsgebyret høgare?
– Det vil avhenge av kor ofte restavfallsdunken blir sett ut.
Kva dersom eg aldri set ut restavfallsdunken?
– Renovasjonsgebyret består at to deler, eit abonnementsgebyr og eit dunk-gebyr. Det er dunkgebyret som vedrører kor ofte du set ut restavfallsdunken.
Kva skjer om det blir feilregistrering?
– Ta kontakt med SIM, så sjekkar me opp.
Gjeld dette alle abonnentar?
– Ja
Kvifor ikkje plast, papir, bioavfall, eller glas og- metallemballasje?
– Dette er avfallstypar me ynskjer skal verta sortert ut frå restavfallet.
Kan eg dele dunk med naboen?
– Ja
Kva skjer dersom dunknummer eller registrering er feil, og ein abonnent får feil rekning?
– Det er nettopp difor vi no ber abonnentane kontrollere at rett dunk er knytt til rett abonnement i Mitt SIM. Rett registrering er avgjerande for korrekt fakturering. Dersom det likevel oppstår feil, kan dette etterprøvast i systemet. Kvar tømming blir registrert med tidspunkt og kva dunk som er tømt. Dersom ein abonnent meiner å ha fått feil rekning, tek vedkomande kontakt med oss. Me går gjennom registreringane og rettar opp dersom det er gjort ein feil. Målet er at systemet skal vere mest mogleg presist og føreseieleg, og vi legg difor vekt på god kvalitetssikring både før og etter oppstart.
Kva med burettslag/sameige?
– Per i dag er det ikkje avklart korleis dette skal løysast for burettslag og sameige med fellesdunkar, me vurderer fleire løysingar. I denne fasen er hovudfokuset å få på plass merking, og me kjem tilbake med meir informasjon når løysinga er avklart.